06:06 Роналду ба дӯстдухтараш пешниҳоди издивоҷ кард. | |
|
Клуби “Ал-Наср”-и Арабистони Саудӣ ва ҳамлагари тими миллии Португалия, ситораи 40-сола Криштиану Роналду ба дӯстдоштааш Жоржина Родригес пешниҳоди издивоҷ кард. Дар ин бора Родригес дар саҳифаи Instagram-и худ хабар дод. Дӯстдоштаи чандсолаи Роналду дар саҳифааш акси худро бо ангуштарини алмосдор нашр кардааст. “Бале, ман мехоҳам. Ин дар ҳаёти ман ва дар тамоми ҳаётҳоям”, - навиштааст Родригес ва дар акс Роналдуро нишон додааст. Барои маълумот, ин ҷуфт аз соли 2016 дар муносибатанд ва 5 фарзандро тарбия мекунанд (Криштиануи хурд, дугоникҳо Ева ва Матео, инчунин ду духтар: Алана Мартина ва Белла Эсмеральда). Роналду дар моҳи июни соли ҷорӣ шартномаашро бо “Ал-Наср” то соли 2027 тамдид кард. Ӯ қаҳрамони Аврупо (2016) ва дар ҳайати тими миллии Португалия ду бор ғолиби Лигаи Миллатҳои UEFA аст. Дар тӯли фаъолияти футболбозиаш, ин ҳамлагар барои клубҳои “Спортинг”-и Португалия, “Манчестер Юнайтед”-и Англия, “Реал Мадрид”-и Испания ва “Ювентус”-и Италия бозӣ кардааст. | |
|
| |
| Ҳамагӣ эзоҳҳо: 0 | |
