06:16 Дар Русия як шаҳрванди Узбекистон барои алоқаи ҷинсӣ бо як духтари хонанда ҷазо гирифт. | |
 Дар вилояти Тулаи Русия як ронандаи таксии узбекистонӣ барои алоқаи ҷинсӣ бо духтари хонанда ба 400 соат корҳои ҷамъиятӣ маҳкум шуд. Дар ин бора “Tulapressa” хабар дод. Тибқи санадҳои судӣ, ҳодиса дар моҳи майи соли ҷорӣ рух додааст. Мард духтарро ба мошинаш савор карда, онҳо дар роҳ тасмим гирифтанд, ки шабона вохӯранд. Баъдан, мард ва духтар бо мувофиқаи тарафайн дар хонаи иҷора чандин бор алоқаи ҷинсӣ доштаанд. Аммо баъдтар маълум шуд, ки духтар ҳанӯз ба синни 16 нарасидааст, ки ин боиси ҷавобгарии ҷиноӣ мегардад. Духтар то он даме, ки вазъи саломатиаш ба таври ҷиддӣ бад нашуд, дар бораи ҳодиса ба касе чизе нагуфт. Хонандаи мактаб пас аз муроҷиат ба духтур ниҳоят ба модараш дар бораи он чӣ рух дода буд, нақл кард. Ронандаи таксӣ дар суд гуноҳашро эътироф кард. Дар натиҷа, суд ӯро гунаҳкор донист ва ба 400 соат корҳои ҷамъиятӣ ҳукм кард. | |
|
| |
| Ҳамагӣ эзоҳҳо: 0 | |
