Рақибони дастаи мунтахаби ҷавонони то 18-солаи Тоҷикистон дар чемпионати Ассотсиатсияи футболи Осиёи Марказӣ (CAFA U-20), ки аз 10-ум то 17-уми июн дар шаҳрҳои Ҳисор ва Турсунзода баргузор мешавад, муайян гаштанд.
Тибқи маросими қуръакашии мусобиқот мунтахаби ҷавонони то 18-солаи мо дар гурӯҳи «А» бо дастаҳои Афғонистон (10 июн) ва Қирғизистон (14 июн) бозӣ мекунад.
Дар гурӯҳи «В» тимҳои ҷавонони Эрон, Ӯзбекистон ва Туркманистон рақобат менамоянд.
Бозиҳои мусобиқа дар ду варзишгоҳ – Варзишгоҳи марказии Ҳисор ва «ТАЛКО Арена»-и шаҳри Турсунзода баргузор мешаванд.
Бояд гуфт, ки асоси дастаи мунтахаби ҷавонони Тоҷикистон (U-18) аз бозигарони мунтахаби наврасони кишвар (U-17) иборат аст, ки моҳи ноябр дар Ҷоми ҷаҳон-2025 ширкат мекунанд.

imruz.uz - Имруз дар ҷаҳон!

#imruz #imruz_uz